POST 13- POETRY -MUKHOTA😮
Khwaishe hazaar karke sabko poora karne main lag gye, Jo pass tha apne bas usi ko jeena bhool gye, Jaane yeh lalach tha Yaa khudgarzi, Ek samay ko paane ke liye usi samay ko jeena bhool gye, Zinda rehne ke liye zindagi ko jeena bhool gye, Mukhote main rehte rehte apna asli chehra bhool gye. Sab paakar bhi Kuch na paaya, Mano registaan main bas Kuch der ka chaaya, Saaman laaye ek Umar bhar ka, Jab samay AAya to Kuch kaam na AAya, Zinda rehne ke liye zindagi ko jeena bhool gye, Mukhote main rehte rehte apna asli chehra bhool gye. Sab rishte aur wafa bas naam ke yehaan, Apna Matlab har koi nikalta hai yehaan, Mukhote ki khoj bhi Kya khoob hui yehaan, Alag alag rang ka peheno aur Roop badal lo yehaan, Fir bhi Mann ka ufaan na tham saka, Hum jazbaato ko thaam Kar haske Chalna seekh gye, Zinda rehne ke liye zindagi ko jeena bhool gye, Mukhote main rehte rehte apna asli chehra bhool gye....$_!